Gaurtik aurrera herritarrak egoitza finkatuta duten lurralde historikoan zehar mugitu ahal dira

Osasun Sailak banakako erantzukizuna eskatu du egindako ahalegina desmuntatzea saihesteko.

Euskal Herriko Agintaritzaren Aldizkariak Lehendakariaren Dekretu bat argitaratu zuten larunbat goizean. Dekretu horren bidez, egoitza finkatuta dagoen lurralde historiko bakoitzaren barruan erabateko mugikortasuna lortu ahal izango da, gaurtik aurrera. Nekane Murga Osasun sailburuak adierazi zuenez, pandemiaren bilakaera epidemikoa "hobea da" eta, beraz, euskal herritarrek lurraldean zehar mugikortasuna berreskuratu ahal izango dute. Sailburuak berretsi zuen pandemia ez dela "amaitu", eta norbanakoaren erantzukizuna eskatu zuen, egindako ahalegina ez desmuntatzeko. Zerra hortzak gorabehera, “bilakaera argia da", esan zuen Osasun sailburuak. Bilakaera ikusita, Eusko Jaurlaritzak egokitzat jo du egoitza finkatuta dagoen lurralde historikoaren barruan herritarren mugikortasun arduratsua eta progresiboa berreskuratzea. Lurralde historiko desberdinetako udalerri mugakideen kasuan, mugikortasunak irekita jarraituko du. Neurri hori ez da "kontrolik gabe irteteko gutun zuria", adierazi zuen sailburuak, eta norbanakoaren erantzukizuna eskatu zuen orain arte lortutakoa ez galtzeko.

---

Har itzazu kontuan osasun agintariek Koronabirusa saiheste aldera emandako gomendioak zeintzuk diren. Kaleratzen diren albiste faltsuak egonda ere, agintari eta profesionalek emandako gomendioei egin behar diezu kasu. Gai honen inguruan zalantzak baldin badituzu edo bidaia baten ondoren sintomak baldin badituzu, Osasun Kontseiluak eskaintzen dizun telefono zenbakira dei zenezake: 900 20 30 50 (EAEn) eta 948 290 290 (Nafarroan). Ez ezazu ahaztu COVID-19 gaitza ez hedatzeko, etxean geratzea duzula onena eta beharrezko kasuetan soilik ateratzea. Eskuak sarri garbitzea ere gomendagarria da eta sintomak dituzun kasuetan, ahoa estaltzeko maskarak ere erabil ditzakezu, batez ere adineko pertsonekin harremanetan baldin bazaude.

#Ataun #Irratia #AtaunIrratia #Albistea #Gizartea #Koronabirusa #Osakidetza #EuskoJaurlaritza #SegurtasunSaila #OsasunSaila #EuskalHerria #Euskadi #Gipuzkoa #Bizkaia #Araba #Nafarroa #IparEuskalHerria #Espainia #Mundua #Deseskalatzea #NekaneMurga